Garrantzitsua da Araudia irakurtzea, lasterketaren arauak eta parte hartzaileei ematen zaizkien zerbitzuak ezagutzeko.
Izen emateak
Egutegia atalean ikus dezakezu desgaitasuna duten pertsonek eta gidek izena emateko duten epea.
Partaideek, izen ematearekin batera, desgaitasuna duten atletak direla egiaztatzen duen lizentzia federatuaren kopia bat aurkeztu beharko dute, dagokion desgaitasunaren Kirol Federazioak ematen duena, eta audiometria bat gorren kasuan. Lizentzian atleta desgaitu gisa esleituta duen kategoria agertu beharko da.
Ostatuan lehentasuna izango dute irailaren 30a baino lehen gurpil-aulki eta handbike kategorietan izena eman dutenei, gurpil-aulkiak eta handbikeak lekualdatzeko dugun azpiegituragatik.
Kategoriak
- Gurpil-aulkiak.
- Handbikeak.
- Mugikortasun desgaitasuna duten atletak.
- Garun paralisia duten atletak.
- Ikusmen desgaitasuna dutenak.
- Patinatzaile desgaituak.
- Gorrak.
Kategoria bat egon dadin, gutxienez, sei atleta beharko dira, bai emakumezko bai gizonezko kategoria osatzeko.
Gurpildun aulki eta handbike atletek lasterketa utzi beharko dute Gaintxurizketan oinezko atletek harrapatzen badituzte.
